Lokalitet 6

I aust heller flata ned i eit skrint lende med flekker av bart berg ved om lag fem høgdemeter over havet. I sør er det flekker av bart berg. I vest stig flata svakt opp til område med flekker av bart berg ved om lag 15 høgdemeter over havet.

Lokaliteten er definert av eitt funnførande prøvestikk: SSR11. Den er avgrensa av fem funntomme prøvestikk og elles delvis av lendetilhøva, særleg i nord ved bergknaus, i aust ved flekker av bart berg, i sør ved område med bart berg og i vest ved område med bart berg. Det er funne fem funn på lokaliteten som er fordelt på det eine funnførande prøvestikket.

Funna er av avslag (eit med retusj) og ein flekke med retusj. Råstoff er av flint. Gjenstandane som er funne på lokaliteten kan ikkje brukast til å typologisk datere lokaliteten til ein bestemt arkeologisk tidsperiode.

Strandforskyvningskurva for området viser at lokaliteten var strandbunden i mellommesolitikum (om lag 8200–6300 f.Kr.) og seinare igjen etter tapestransgresjonen i tidlegneolitikum (om lag 4000–3500 f.Kr.).