Øksnesmarka - Lok. 7

Lokaliteten har ei forhøgning med berg midt i. Vegetasjonen består for det meste av graftufter og einebuskar, med planta granskog rundt og imellom. Dei funnførande massane består for det meste av sandig silt/siltig sand og grus.

Det er gjort funn av fleire flintavslag og eit kvartsavslag. Massane inneheld noko kol. KR.76 og KR.77 ligg vest for ei forhøgning, og noko meir skjerma enn APK.86, som ligg ned mot myra i aust.

Flintavslaget i APK.86 er vassrulla. Heile lokalitet 7, som ligg mellom 8 og 12 moh, har vore strandbunden frå tidlegmesolitikum (8 moh – 8050 BC) til og med mellommesolitikum (8 moh – 6550 BC). Lokaliteten har vore tilgjengeleg igjen frå mellomneolitikum, periode A (9 moh – 3050).

I følje strandforskyvningskurva har havnivået i tidlegneolitikum (4000-3000 BC) lege på 9-11 m over dagens nivå. Deler av lokaliteten har dermed lege under vann i den tida trekolprøven er datert til. Det er sannsynlegvis lokale variasjonar i strandforskyvningskurva, og det er mogleg havnivået har lege noko lågare i dette området.

Det er ingen diagnostiske funn frå lokaliteten.