Stødleterrassen

Samanhengen mellom landskapet og kulturminna gjer terrassen til eit særmerka område. Dei forhistoriske kulturminna viser stor tidsdjupne og strekk seg frå steinalderen fram til mellomalderen. Saman med dagens bygningar og jordbrukslandskap er dei uttrykk for kontinuiteten i bruken av området.

Samanhengen mellom dei automatisk freda kulturminna, og landskapet dei ligg i, er heilt vesentleg for opplevinga og forståinga av kulturminna, kulturmiljøet og tidlegare bruk av området. Dette området formidlar óg ei viktig historie knyta til svært sentrale, historiske personar omtala i sagaene og har tidlegare posisjon som eit unikt maktsenter i regionen.