Lokalitet 15 Kollsnes transformatorstasjon

I nord er den avgrensa topografisk av eksponert berg utan jordmassar. I aust er den avgrensa av negative prøvestikk og bratt lende. I sør er den avgrensa av negative prøvestikk.

I vest er den avgrensa av negative prøvestikk. Det vart gjort 7 funn på lokaliteten frå dei 2 funnførande prøvestikka. Funna består av avfall frå produksjon og vedlikehald frå råstoffa som avslag og skraparfragmentar.

Råstoffa er av flint. Prøvestikket JA.123 som vart grave nord på lokaliteten var prøvestikket med høgast funnkonsentrasjon. Jordmassane på flata er tørre.

Stratigrafien er lite varierande. Dei funnførande prøvestikka vart grave mellom 45–50 cm djupe. Torv blanda med mørk silt er 30 cm øvst, følgt av funnførande grå silt mellom 30–50 cm djupt.

Det vart ikkje funne nokon diagnostiske gjenstandar for typologisk datering av funna eller kol for uttak av dateringsprøve. Lokaliteten sin plassering på om lag 17–18 høgdemeter over havet samsvarar med strandforskyvningskurva for området som viser at lokaliteten var tilnærma strandbunden i fleire periodar, og at aktiviteten i området kan ha funne stad i fleire periodar i eldre steinalder, både i tidlegmesolitikum og seinmesolitikum.