Funnstad 2, arealoverføring Dragseidvegen gbnr 6/10

Flata er naturleg avgrensa i terrenget av ein skråande bergknaus mot vest og nord. Mot aust går det eit vått søkk som ligg omtrent 1 m lågare i terrenget og mot sør endar flata i ein kant som er omlag 1,5 m høg før terrenget held fram i ei stor myrflate.

På flata veks det lyng, einer og små furutre. Det er tatt fire prøvestikk på flata, der eit var funnførande med ein bit mogleg slått flint. I likskap med funnstad 1 (Askeladden id. 320042) kan funnstad 2 og daterast til seinmesolitikum ut ifrå strandlinja.